Ku-simaha Guddoomiyaha ahna Guddoomiye ku xigeenka koowaad ee Aqalka Sare, Mudane Cali Shacbaan, ayaa maanta shir guddoomiyay kulanka saddexaad ee guddiga joogtada Aqalka Sare ee Baarlamaanka JFS.
Kulanka oo uu goobjoog ahaa Guddoomiye ku xigeenka labaad ee Aqalka Sare Mudane Cabdullaahi Cali Xersi (Timacadde) ayaa xubnaha guddigu waxay dood iyo falanqayn ka yeesheen ajandayaasha Golaha ee kalfadhigan, kuwooda hortebinta u leh iyo sidii loo kala hormarin lahaa, iyagoo go’aamiyay isla markaana muddeeyay illaa iyo shan ajande oo muhiim ah, kuwaas oo hortabin u leh Qaranka Soomaaliyeed.
